వెంకటగిరికి గర్వకారణం. పెనుబాకు పుల్లయ్యకు ఘన సన్మానం.

వెంకటగిరి, అక్టోబర్ 2, మహి న్యూస్: వెంకటగిరి మున్సిపాలిటీలో పారిశుధ్య కార్మికుడిగా సేవలందిస్తున్న పెనుబాకు పుల్లయ్యకు తిరుపతిలో శుక్రవారం ఘన సన్మానం జరిగింది. ఉత్తమ సేవలు అందించినందుకు ఆయనకు “ఉత్తమ సేవా గ్రహీత” సన్మానం లభించింది. ఈ కార్యక్రమంలో తిరుపతి జిల్లా కలెక్టర్, ఎస్పీ చేతుల మీదుగా పుల్లయ్యను ఘనంగా సత్కరించారు. పుల్లయ్య తన విధులను అంకితభావంతో నిర్వహిస్తూ ప్రజలకు విశేష సేవలందిస్తున్నారని పబ్లిక్ ప్రాసిక్యూటర్ కేజే ప్రకృతి కుమార్ కొనియాడారు. పుల్లయ్య తనకు ప్రియ శిష్యుడని, ఆయనకు లభించిన ఈ గౌరవం ఎంతో సంతోషాన్ని కలిగించిందన్నారు. తిరుపతి జిల్లా స్థాయిలో కలెక్టర్, ఎస్పీ చేతుల మీదుగా సన్మానం పొందడం వెంకటగిరి పట్టణానికే గర్వకారణమని పేర్కొన్నారు. పుల్లయ్య సేవలను ఆదర్శంగా తీసుకుని మరింత మంది పారిశుధ్య కార్మికులు అంకితభావంతో పనిచేయాలని ఆయన ఆకాంక్షించారు.