కాకినాడ, జూలై 22 (మహి న్యూస్): ప్రముఖ నటుడు నందమూరి బాలకృష్ణకు సినిమా షూటింగ్ సందర్భంగా స్వల్ప గాయం అయింది. కాకినాడ పోర్టులో గోపీచంద్ మలినేని దర్శకత్వంలో తెరకెక్కుతున్న చిత్రంలోని యాక్షన్ సన్నివేశాల చిత్రీకరణ సమయంలో ఈ ఘటన చోటుచేసుకుంది.
మంచు మనోజ్, బాలకృష్ణలపై యాక్షన్ సీక్వెన్స్ చిత్రీకరిస్తుండగా బాలకృష్ణ మోకాలికి గాయం కావడంతో చిత్రబృందం వెంటనే ఆయనను సమీప ఆస్పత్రికి తరలించింది. వైద్యులు చికిత్స అందించి గాయం తీవ్రంగా లేదని, విశ్రాంతి తీసుకోవాలని సూచించినట్లు సమాచారం.
ఈ ఘటనతో షూటింగ్కు తాత్కాలికంగా విరామం ఇచ్చినట్లు తెలుస్తోంది. బాలకృష్ణ ఆరోగ్య పరిస్థితి నిలకడగా ఉందని, అభిమానులు ఆందోళన చెందాల్సిన అవసరం లేదని చిత్రబృందం తెలిపినట్లు సమాచారం.
0 Comments